工作日常 - 預備篇

星期日都冇得休息，為下星期品牌的復活節烹飪班作最後測試！

**長文慎入**

唔好睇準備一個烹飪班好簡單（未計之前買食材，上堂前的準備同課堂後的善後.....)

由主題、食譜設計，將品牌的產品係食譜發揮產品的特色。

又要顧及每位來上堂的學生下廚經驗不一，所以菜式不能太簡單又不能太複習。而且課堂時間有限，又唔想所有野一早預備好晒，參加者反而返到屋企做唔返。

我嘅宗旨係「簡單學、輕鬆煮」

1. 🥕🍅食材容易買到 ( 一般超市或街市已經買到）

2. 唔需要太長時間⏰去預備/製作時間太長（我成日都覺得用大半日時間或更長去預備/煮，但15分鐘就食完，有少少不值，所以除非大時大節或特別日子，一般我都唔會花好長的時間做菜的）- 認識我係朋友都知我出名快手😄唔使30分鐘就有野食

3. 📸賣相要靚。味道當然重要，但相機食先嘅年代，賣相靚，都令人吃得特別開懷，而且post 出來的成品多人like ，更有成功感！

所以每次來上我堂的學生都好開心，因為發覺原來煮野食係咁易！

其實道理好似小朋友學英文，由簡單ABC 學起，慢慢串單字，再句子。

一開始教你整D好複習的菜式，失敗左自然氣餒，會懷疑自己的能力，覺得自己沒煮野食的天份。

何不先從簡單入手？慢慢建立信心同滿足感，自自然然愈煮愈好，再駕馱到複習的菜式！

然後有一日隨時隨地都可以即興地煮，好好享受下廚的樂趣！

Celia Chan Kitchen