新豬肉㰖菜蒸豆腐
💚自收到用呢隻 #新豬肉 #Omnipork 後，用來做過不同類型嘅菜式，由包糉、蒸、炒、煎、釀、焗都試過，佢嘅可塑性真係好高好高，口感拍得住真豬肉。之前出過post 介紹比大家時有好多人問我係邊買，依家Green Common 正式推出零售版喇！
由第一次戰戰驚驚地試，發覺呢隻Omnipork 原來好易控制，基本上同煮普通嘅豬肉做法一樣，但用更少時間去醃已經好入味 （輕輕加入調味已輕可以即刻煮）、烹調嘅時間更短 （少一半以上！！），又唔使擔心煮唔熟 （所以一定唔會 overcook），黏性又好，整肉丸唔使加蛋同攪到起膠攪到手仔軟，又唔驚一時唔好彩買到D唔新鮮嘅真豬肉碎會有膻味，同埋賣返來又struggle 唔知洗唔洗好 （唔洗又好似好污糟，洗完見到D肥膏浮晒出來好得人驚😵😵....... 我個人認為好適合放工冇時間煮飯同零廚藝嘅朋友都可以handle 到😁。
多謝Green Common 係一班專業廚師、煮食達人等多個食譜中擇左我3 個食譜係佢地本食譜中。
我呢個食譜，易整又好好送飯！最啱要返工又成日話冇時間煮飯嘅打工仔。營養豐富又含有有高蛋白質！依家仲話食素啖而無味就真係好out 🚫🚫
我自己去開超市見到做特價都會買定兩盒豆腐放係雪櫃看門口，隨時即興想煮個湯或小菜都可以。依家冰箱常備 #新豬肉 隨時煮就話咁易！
至於欖菜，一般超市或街市雜貨舖 （賣調味料）就買到！
詳細食譜： https://bit.ly/2H1gypl
留言
發佈留言