草莓香草批(Strawberry Tartlet)

平安夜做拿破崙時用剩了一點吉士奶油醬，再不用便要掉去。我最不喜歡浪費的，尤其是食物，因為在地球的另一邊有很多人都不能溫飽，作為一個喜愛食的人要掉去自己做的食物更不能接受!

所以動動我的小宇宙，用了之前買的朱古力shortbread biscuit和士多啤梨，花了1分鐘(你無睇錯，真係一分鐘!!) 便完成這個又睇得又食得的草莓批, 再放上新的靚靚心形碟，再加一杯香濃的Espresso，製造一個悠閒快樂的下午茶。快樂在乎自己的心態，是要自己創造的!

這個shortbread biscuit同個吉士奶油醬超夾，在百佳Taste有售，只是$20, 好抵!

材料: (2人份量)

奶油酥餅(shortbread biscuit) – 2塊 

士多啤梨 10粒

1/5 份吉士奶油醬 (做法可參考http://mycookingfever.blogspot.hk/2014/12/raspberry-millefeuille.html，只可以儲存雪櫃約5-7日) 

做法:

1.  擠花袋內加上1公分的圓口擠花咀，裝吉士奶油醬。

2.  在一塊奶油酥餅上擠上吉士奶油醬(不要擠得太滿，要預留空間加上士多啤梨。

3.  士多啤梨切半，舖上吉士奶油醬，立即享用。

士多啤梨的擺法可以很隨意，自己覺得美便可!