芒果熱情果Smooth‭ ‬Bowl (Mango & Passionfruit Smoothies Bowl)

🍌

一日之計在於晨☀️，一杯香濃嘅咖啡加早餐對於我來講真係好緊要，呢個咁色彩繽紛以水果為基底的營養早餐叫Smoothie Bowl‭ ‬（果昔碗）‭. ‬大家係IG或外國網站就不難發現好多好靚好吸晴的Smoothie Bowl 嘅相‭, ‬深受注重健康人士的歡迎‭! ‬

我自己就好鐘意食‭, ‬因為材料可以好隨意‭, ‬只需要將

* 2份自己喜歡的水果🍌🍇🍓🍍‭ ( ‬最好放入冰箱，咁就唔使加冰，令味道更濃‭) ‬，我覺得最緊要加兩隻冰香蕉
* 1份牛奶🍼、豆漿🥛、椰水水、植物奶或乳酪
* 加其他supplement‭, ‬例如蛋白粉、馬卡粉、小麥草、巴西莓粉或果仁等等

再放入攪拌機攪勻，最後放上自己喜歡的水果或果仁，一碗高顏值又營養豐富的Smoothies Bowl‭ ‬就完成！只要你有部攪拌機，加上你嘅創意，5分鐘就能夠DIY出一碗獨一無二的Smoothie Bowl喇！‭ ‬啖啖都係健康，食完即刻覺得自己靚左又充滿能量。💪🏻💪🏻🏃🏃‍♀️

今日我就整左呢個好夏日嘅‭ Smooth‭ ‬Bowl，芒果熱情果真係最佳配搭，我再加上南瓜籽同椰子脆片，令味道同口感更豐富呢！

之前用capsule式的攪拌機刀頭同摩打力度都爭少少，好多時食落仲有少少冰粒。依家有左‭ ‬KENWOOD‭ ‬呢部Blend-X Pro高速攪拌機，摩打勁左，而且容量又大‭(‬有2L‭)‬，如果要整比屋企人一齊食唔使分幾次整，方便好多。佢仲內置「碎冰」、「奶昔」同「煮湯」模式，容易洗又易用‭, ‬ 唔使‭ ‬10秒就打碎晒D野‭ ‬～

‭*‬不過千祈唔好學我咁大頭蝦忘記將香蕉剝皮就直接扔冰箱，冰左嘅香蕉好難剝皮! 

材料‭:‬
香蕉‭ ‬‭ ‬1條‭ ‬‭(‬切片冷藏結冰‭)‬
熱情果‭ ‬1個‭ (‬冷藏結冰‭)‬
牛奶‭ ‬1杯‭ (‬視乎情況可加份量‭)‬
冰‭ ‬4-5‭ ‬粒或水20‭ ‬ml‭ ‬
瑪卡粉‭ ‬1‭ ‬茶匙
南瓜籽‭ ‬1湯匙

配料材料‭:‬
芒果‭ ‬1個‭ ‬切粒‭ ‬
熱情果‭ ‬1個‭ (‬取果肉連核‭)‬
南瓜籽‭ ‬1湯匙
椰子脆片‭ ‬1湯匙‭ ‬

做法‭:

‬1. 將已雪至冰的香蕉和熱情果‭, ‬瑪卡粉、冰、南瓜籽及牛奶放入攪拌機,‭ ‬選擇”Smoothie”模式攪拌至順滑‭ ‬

2. 將奶昔倒入碗中，放上茫果、熱情果、椰子脆片和南瓜籽即可享用。‭(‬或任何自己喜歡的配料亦可‭)‬

貼士‭:‬
1‭. ‬可用任何自己喜歡的生果,如果未能及時將生果冷藏至結冰,可利用冰塊代替水
2‭. ‬如選用比較多汁的生果,如西瓜或提子,水的份量需相應減少。
3‭. ‬香蕉是各款smoothie的基底，也是濃稠因子，同甜味來源‭ ‬

‭#smoothiebowl‭ #colourful‭ #breakfast‭ #healthy‭ #healthy‭‬recipe‭ ‬‭#kenwood‭ #blendxProblendcPro‭ #cookingfeverhk‭ #‬營養早餐‭ #簡單食譜‭ ‬