道明寺櫻餅 (どうみょうじ)

雖然賞櫻季節已過，但我真係好鐘意櫻花！用櫻花做出來的日式和果子真美到捨不得吃呢！一直都很忙，現在才有時間整理之前做道明寺櫻餅的食譜和大家分享☺️☺️

這個道明寺櫻餅做法好簡單，包道明寺粉係我之前去日本時買的 （好彩仲未到期呢!），櫻花係朋友係日本旅行的手信，係「八重櫻」， 櫻葉和紅豆蓉我都係係富澤商店買的，依家香港有富澤商店真係方便好多！希望佢可以入多D貨，產品好似日本咁齊就好了！

蒸熟了的道明寺粉口感有D似碎左的糯米，其中做法都有D似糯米糍。但冇糯米咁滯，做幾個去野餐也不錯呢！

材料 （可做4-5個）:
道明寺粉 100克
熱水 150毫升
砂糖 20克
食用色素 （粉紅色） 2滴
鹽漬櫻花 10克
鹽漬櫻葉 4 片
鑵頭紅豆蓉 3-4湯匙
菜油 少許

做法:

1.鹽漬櫻花泡水30分鐘，期間換2-3次水加速去鹽； 鹽漬櫻葉則不宜泡太久，用凍水浸10分鐘後，換水再多浸10分鐘便可,備用。
2. 道明寺粉加入熱水、砂糖和兩滴粉紅色食用色素(不要加太多,微微粉紅即可攪勻），放置約10-15分鐘。
3. 掃少許菜油於一隻淺平碟上面，把步驟2已混合的米團薄薄地鋪係碟上，放入蒸爐100度蒸15分鐘。
4. 用廚房紙把泡好去鹽的櫻葉抹乾。不要太早擦乾，櫻葉會變得太乾
5. 把已蒸熟既米團攤涼一點，用塗上少許菜油的保鮮紙，將米團鋪上面壓成圓餅形，放入紅豆蓉餡料。
6. 隔著保鮮膜包起來成半月形收口。
7. 把櫻葉半包裹著櫻餅，再放上泡好的去鹽櫻花便可享用。